മനുഷ്യരോട്....

ശൂന്യതയില്‍ ചിന്തകളെ വിഹരിക്കാന്‍ വിട്ടു സാദ മനുഷ്യന് പെട്ടെന്ന് മനസ്സിലാക്കാന്‍ കഴിയാത്ത വാക്കുകള്‍ ഉരുവിട്ട് താന്‍ ഒരു സംഭവമാണ് എന്ന് കരുതുന്ന ആളുകളോടല്ല, ഭൂമിയില്‍ നില്‍ക്കുന്ന നേര്‍ക്ക് നേരെ ചിന്തിക്കുന്ന മനുഷ്യരോടാണ് ചോദ്യം:

നാം, മനുഷ്യര്‍ , എങ്ങനെ ഉണ്ടായി..

മൂന്നു സാദ്ധ്യതകള്‍ മാത്രമാണ് ഉത്തരമായി ഉള്ളത്..

1. ഒന്നുമില്ലാതെ തനിയെ ഉണ്ടായി.

പറയുമ്പോള്‍ തന്നെ അറിയുന്നില്ലേ ഇത് മണ്ടത്തരമാണ് എന്ന്..!

നമ്മള്‍ ഉപയോഗിക്കുന്ന ഒരു വസ്തു പോലും തനിയെ ഉണ്ടായതല്ല, പിന്നെങ്ങനെ അതീവ സങ്കീര്‍ണമായ വ്യവസ്ഥകളും പ്രതെകതകളും ഉള്ള മനുഷ്യ വര്‍ഗം തനിയെ ഉണ്ടാകുന്നു..ഈ മഹാ പ്രപഞ്ചം തനിയെ ഉണ്ടാകുന്നു..?
ദയവു ചെയ്ത് ലളിതമായി നിങ്ങളുടെ നിഷ്കളങ്ക ബുദ്ധി കൊണ്ട് ചിന്തിക്കൂ..
അതെ ഈ ഉത്തരം അബദ്ധമാണ് ..
ഇനി രണ്ടാമത്തെ അവസ്ഥ.

2. നാം തന്നെ നമ്മെ ഉണ്ടാക്കി. :

ആദ്യം പറഞ്ഞ സാധ്യതയെക്കാള്‍ അങ്ങേയറ്റം വിഡ്ഢിത്തരമല്ലേ ഇത്..
നാം നമ്മെ ഉണ്ടാക്കുകയോ..ഈ പ്രപഞ്ചം തന്നെ പ്രപഞ്ചത്തെ ഉണ്ടാക്കുകയോ..
ചര്‍ച്ച ചെയ്യാന്‍ പോലും കഴിയാത്ത വിഡ്ഢിത്തരം ..

3. നമ്മെ നമ്മെ പോലെ ഉണ്ടായതല്ലാത്ത , ന്യൂനതകള്‍ ഇല്ലാത്ത സ്രഷ്ടാവ് സ്രഷ്ടിച്ചു..

ലളിതമാണ് ഈ ഉത്തരം, സത്യമാണ് ഈ ഉത്തരം,നമ്മുടെ മനസ്സ് നിഷ്കളങ്കമായ അവസ്ഥയില്‍ ഈ ഉത്തരം ശരി തന്നെ എന്ന് വ്യക്തമായി പറയും..

പരിശുദ്ധ ഖുര്‍ആന്‍ നമ്മോട് ചോദിച്ച ലളിതമായ ചോദ്യമാണ് ഇത്,

അള്ളാഹു പറയുന്നു :

أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ

"അതല്ല; സ്രഷ്ടാവില്ലാതെ സ്വയം ഉണ്ടായവരാണോ ഇവര്‍? അതോ ഇവര്‍ തന്നെയാണോ ഇവരുടെ സ്രഷ്ടാക്കള്‍!" [52:35]

രണ്ടു ചോദ്യത്തിനും അല്ല എന്ന് ഏത് കുതര്‍ക്കമില്ലാത്ത മനസ്സുകല്കും പറയാന്‍ കഴിയും..

അവിടെ നമ്മുടെ, മനുഷ്യരുടെ, ശുദ്ധ പ്രക്രതിയുടെ ഉത്തരം സ്രഷ്ടാവായ അള്ളാഹു എന്ന് തന്നെയാണ്.

അതറിയുന്നവന്‍ പിന്നെങ്ങനെ ആ സ്രഷ്ടാവായ അല്ലാഹുവിനെ പോലെ സ്രഷ്ടികളെ കാണും, അവനോട ചെയ്യുന്ന പ്രാര്‍ഥനകളും വഴിപാടുകളും അവനല്ലാതവര്‍ക്ക് അര്‍പ്പിക്കും..

നേര്‍ക്ക് നേരെ ചിന്തിക്കുന്ന മനുഷ്യരെ, നിങ്ങള്‍ സ്വന്തത്തോട് ചോദിച്ചു നോക്കൂ..

(സൂറത്ത് തൂരിലെ പ്രസ്തുത ആയതിനു ഇമാം അബ്ദുറഹ്മാന്‍ ബ്ന്‍ നാസിര്‍ സ'ദി നല്‍കിയ വിശദീകരണം ആണ് എഴുത്തിലെ ആശയം. )