ഷെയ്ഖ്‌ സുലൈമാന്‍ ബ്ന്‍ സലീമുള്ള അര്‍റുഹൈലി حفظه الله.
"...മനുഷ്യന്‍ കടന്നു പോകുന്നത് (വിവിധ)ഘട്ടങ്ങളിലൂടെയാണ്, അത് ആരംഭിക്കുന്നത് കാര്യങ്ങള്‍ വേര്‍തിരിച്ചറിയാന്‍ കഴിയാത്ത ചെറിയ കുട്ടിയാകുമ്പോളാണ്. കര്‍മശാസ്ത്ര പണ്ഡിതന്മാര്‍ പറഞ്ഞത് പോലെ, കല്ലും കാരക്കയും തിരിച്ചറിയാന്‍ കഴിയാത്ത പ്രായം, നന്മയും തിന്മയും വേര്‍തിരിച്ചു അറിയാന്‍ കഴിയാത്ത പ്രായം. ഈ പ്രായത്തില്‍ അവന് ഒന്ന് കൊണ്ടും കല്‍പ്പിക്കപ്പെട്ടിട്ടില്ല. ഒരു നിയമവും ബാധ്യതയാക്കപ്പെട്ടിട്ടില്ല. എന്നാല് അവന് വല്ലതിലും മികച്ചതായാല്‍ നാം അതിലേക്ക് അവനെ നയിക്കും. ഖുര്‍ആനില്‍ നിന്ന് വല്ലതും മനപ്പാഠമാക്കുവാന്‍ അവന്നു സാധിക്കുന്നുണ്ടെന്നു കണ്ടാല്‍ നാം അത് ചെയ്യിക്കും .. അത്പോലെ അവന്ന് നമസ്കരിക്കുവാന്‍ ഇഷ്ടമാണ് എന്ന് കണ്ടാല്‍ ഒരിക്കലും തടയില്ല. മറിച്ചു ആ നമസ്കാരത്തിലേക്ക് അവനെ പ്രോത്സാഹിപ്പിക്കും, പക്ഷെ നാം അതിനു അങ്ങോട്ട്‌ കല്‍പ്പിക്കുകയില്ല, കാരണം അവന് കല്‍പ്പനകള്‍ ബാധകമായ ആളല്ല.
പിന്നീട് അവന് തിരിച്ചറിവിന്റെ പ്രായത്തില്‍ എത്തുന്നു, തിരിച്ചറിവിന്റെ പ്രായം എന്നത്, ചില ഫുഖഹാക്കള്‍ പറഞ്ഞു , അതിന്നു പ്രതേക പ്രായ പരിധിയില്ല, പ്രവര്‍ത്തനങ്ങള്‍ കൊണ്ടാണ് അതാകുക. തനിക്ക് ഉപകാരമുള്ളതും ഉപദ്രവമുള്ളതും വേര്‍തിരിച്ചറിയാന്‍ കഴിഞ്ഞാല്‍ അതാണ്‌ തിരിച്ചറിവിന്റെ പ്രായം. മറ്റു ചില ഉലമാക്കള്‍ പറഞ്ഞു അത് ഏഴു വയസ്സാണ് , അതാണ്‌ (ശരിയോടു) അടുത്തത്. കാരണം നബിﷺ പറഞ്ഞിരിക്കുന്നു "ഏഴു വയസ്സായാല്‍ അവരെ നമസ്കാരം കൊണ്ട് കല്‍പ്പിക്കുക."
ഈ കല്‍പ്പന എന്നത് സൌമ്യതയും, ദയയും, വഴികാട്ടലും , ഭീഷണിപ്പെടുത്താതെ പ്രേരിപ്പിക്കലും ആണ്. (ഉദാഹരണത്തിന് ഇങ്ങനെ പറയുക) വരൂ, നമുക്ക് നമസ്കരിക്കാം...നീ നമസ്കരിച്ചാല്‍ നിനക്ക് അല്ലാഹുവില്‍ നിന്ന് (പ്രതിഫലം) ഉണ്ട് , - സഹോദരന്മാരെ ഇത് (ഇങ്ങനെ പറയല്‍) വളരെ പ്രധാനപ്പെട്ടതാണ്, വളരെ സുപ്രധാനമാണ്‌ -നീ നമസ്കരിച്ചാല്‍ നിനക്ക് അല്ലാഹുവില്‍ നിന്ന് സ്വര്‍ഗം ലഭിക്കും, അള്ളാഹു നിന്നെ സ്വര്‍ഗത്തില്‍ പ്രവേശിപ്പിക്കും, സ്വര്‍ഗത്തില്‍ ഇന്നയിന്ന കാര്യങ്ങള്‍ ഉണ്ട്....എന്നിങ്ങനെ പറയുക. മക്കളില്‍ ദുന്യാവിനു വേണ്ടി ഇബാദതുകള്‍ ചെയ്യുന്ന സ്വഭാവം ഉണ്ടാക്കരുത്.
തെറ്റായ കാര്യത്തില്‍ പെട്ടതാണ് ദുന്യാവിനു വേണ്ടി മാത്രമായി ഇബാദത്ത് ചെയ്യുന്ന ശൈലി കുട്ടിയില്‍ ഉണ്ടാക്കുക എന്നത്. നിങ്ങള്‍ പറയുന്നു, നീ നമസ്കരിക്ക്, ഞാന്‍ നിനക്ക് ഒരു ദിര്‍ഹം തരാം, അല്ലെങ്കില്‍ പത്ത് ദിര്‍ഹം തരാം, നിസ്കരിച്ചാല്‍ ഇന്ന സ്ഥലത്തേക്ക് നിന്നെ കൊണ്ട് പോകാം, (തുടങ്ങിയവ). ഇവ അവന്റെ മനസ്സില്‍ ഭൌതികമായ ഉദ്ധേശം വര്‍ദ്ധിപ്പിക്കും.
അവന്റെ ലക്‌ഷ്യം സ്വര്‍ഗ്ഗവും അല്ലാഹുവിന്റെ തൃപ്തിയുമാക്കണം . അവനോടു പറയുക, നീ നമസ്കരിച്ചാല്‍ ചിലപ്പോള്‍ നിനക്ക് പത്ത് ദിര്‍ഹം തരാന്‍ അള്ളാഹു എനിക്ക് മാര്‍ഗം കാണിക്കും. അല്ലാഹുവുമായി ബന്ധിപ്പിക്കുക. കാരണം അവന് കുട്ടിയാണ്, കാര്യങ്ങള്‍ സ്വീകരിക്കുന്നവനാണ്. നീ നമസ്കരിച്ചാല്‍ ചിലപ്പോള്‍ ഇന്നയിന്ന സ്ഥലത്തേക്ക് നിന്നെ കൊണ്ട് പോകാന്‍ അള്ളാഹു എളുപ്പമുണ്ടാക്കും..അവനെ അല്ലാഹുവുമായി ബന്ധിപ്പിക്കുക.
ഈമാനിക തര്ബിയ്യത്തില്‍ ഹൃദയത്തില്‍ ഇഖ്ലാസ് ഉണ്ടാക്കുന്നതിലും അല്ലാഹുവുമായി ബന്ധമുണ്ടാക്കുന്നതിലും വളരെ പ്രധാനപ്പെട്ട ഒന്നാണ് ഈ കാര്യം. അത് കൊണ്ടാണ് നിങ്ങള്‍ക്ക് ചില കുട്ടികളെ കാണാം, അവര്‍ കളവ് പറയുകയില്ല..എന്ത് കൊണ്ടാണ് എന്ന് അവരോട് ചോദിച്ചാല്‍ അവര്‍ പറയും, കളവ് പറഞ്ഞാല്‍ മനുഷ്യന്‍ നരകത്തില്‍ പോകും എന്ന്..ഇങ്ങനെ കുട്ടിയെ വളര്‍ത്തണം..അത്(ആ സ്വഭാവം) അവന്റെ കൂടെ തന്നെ ഉണ്ടാകും.
നീ കളവ് പറയരുത്, പറഞ്ഞാല്‍ ഞാന്‍ ദേഷ്യം പിടിക്കും, എന്നിങ്ങനെയാണ് പറഞ്ഞതെങ്കില്‍ അവന് നിന്നില്‍ നിന്ന് അകലെയായാല്‍ പിന്നെ അവന്നു (കളവ് പറയുക എന്നത് ) ഒരു പ്രശ്നമല്ല..! (അതിനാല്‍ ഈ വിഷയം) നിര്‍ബന്ധമായും ശ്രദ്ധിക്കണം..
നാം പറഞ്ഞു വന്നത്, ഏഴാം വയസ്സില്‍ പ്രോത്സാഹനങ്ങളിലൂടെ (നമസ്കരിക്കാന്‍) കല്‍പ്പിക്കണം. ഭീഷണിയില്ലാതെ, അടിക്കാതെ, ചീത്ത പറയാതെ,വഴക്ക് പറയാതെ, അങ്ങനെയുള്ള ഒന്നുമില്ലാതെ..
(അങ്ങനെ) പത്ത് വയസ്സ് വരെ..! മൂന്നു വര്ഷം.....,
നിന്റെ മേല്‍ വാജിബാണ്‌..സഹോദരന്മാരെ ഇത് പ്രതേകം ശ്രദ്ധിക്കുക..ഉപ്പമാരെ... ഉമ്മമാരെ... മൂന്നു വര്ഷം നമസ്കരിക്കാന്‍ കല്‍പ്പിക്കല്‍ നിങ്ങളുടെ മേല്‍ വാജിബാണ്‌ , അതേ സമയം, അവന്നു നമസ്കാരം വാജിബല്ല...!! അഥവാ കല്‍പ്പിക്കല്‍ നിന്റെ മേല്‍ വാജിബാണ്‌, എന്നാല് നമസ്കരിക്കല്‍ അവന്ന് വാജിബല്ല. അതിന്റെ അര്‍ഥം, നിങ്ങള്‍ കല്പ്പിച്ചില്ലെങ്കില്‍ നിങ്ങള്‍ കുറ്റക്കാരന്‍ ആണ്, എന്നാല് അവന് നമസ്കരിച്ചില്ലെങ്കിലും അവന്റെ മേല്‍ കുറ്റമില്ല.
ഈ കാര്യം (നമസ്കരിക്കാനുള്ള കല്‍പ്പന) തുടര്‍ച്ചയായി ചെയ്ത് കൊണ്ടിരിക്കണം. ഓരോ നമസ്കാര സമയം എത്തിയാലും പറയണം, കുട്ടീ നമസ്ക്കരിക്ക്..അങ്ങനെ പത്ത് വയസ്സ് വരെ.
അങ്ങനെ പത്ത് വയസ്സായാല്‍ (അപ്പോഴും) അവന്റെ മേല്‍ നമസ്കാരം വാജിബല്ല, നിസ്കരിച്ചില്ലെങ്കിലും അവന്ന് കുറ്റമില്ല..! എന്നാല് പത്തു വയസ്സായിട്ടും നമസ്കരിച്ചില്ലെങ്കില്‍ അവനെ അടിക്കല്‍ നിര്‍ബന്ധമാണ്‌.. പ്രായപൂര്‍ത്തി ആകുമ്പോഴേക്ക് നമസ്കരിക്കാന്‍ തയ്യാറാകുന്നത് വരെ അങ്ങനെ ചെയ്യണം. പത്ത് വയസ്സ് മുതല്‍ പ്രായപൂര്‍ത്തി എത്തും വരെ (നമസ്കരിച്ചില്ലെങ്കില്‍) ഭീഷണി തുടങ്ങണം..അതില്‍ പെട്ടതാണ് അവന് നമസ്കാരം കൃത്യമായി നിലനിര്‍ത്തും വരെ അടിക്കല്‍ എന്നുള്ളത്. [മൂന്ന് വര്ഷം ഓരോ നമസ്കാര സമയത്തും ക്ഷമയോടെ ദേഷ്യപ്പെടാതെ, നമസ്കരിക്കാന്‍ നിരന്തരം കല്‍പ്പിച്ചാല്‍ പത്ത് വയസ്സായാല്‍ അടിക്കേണ്ടി വരിക എന്നത് വളരെ വിദൂരമായ അവസ്ഥയാണ്.: വിവ ].
ഇതാണ് ഈ വിഷയത്തില്‍ നബിﷺ യുടെ സുന്നത് നമുക്ക് വഴികാണിക്കുന്നത്. (1)
(ശൈഖിന്റെ സംസാരം അവസാനിച്ചു.)
--------------------------------------------------------------------------------------------------
ചില അനുബന്ധം കൂടി കൂട്ടി ചേര്‍ക്കുന്നു.
ഈ വിഷയത്തിലെ തെളിവായ ഹദീസിന്റെ പൂര്‍ണ രൂപം ഇതാണ്..
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مُرُوا أَوْلَادَكُمْ بِالصَّلَاةِ وَهُمْ أَبْنَاءُ سَبْعِ سِنِينَ ، وَاضْرِبُوهُمْ عَلَيْهَا وَهُمْ أَبْنَاءُ عَشْرٍ ، وَفَرِّقُوا بَيْنَهُمْ فِي الْمَضَاجِعِ ) أخرجه ابن أبى شيبة وأبو داود وأحمد صححه الألباني في "الإرواء" (247)
നബി പറഞ്ഞു: "ഏഴു വയസ്സായാല്‍ നിങ്ങളുടെ കുട്ടികളെ നമസ്കാരം കൊണ്ട് കല്‍പ്പിക്കുക, പത്ത് വയസ്സായാല്‍ അതിന്മേല്‍ അവരെ അടിക്കുക, വിരിപ്പില്‍ നിന്ന് അവരെ വേറെ വേറെയാക്കണം. "
നബി പറഞ്ഞു: "ഏഴു വയസ്സായാല്‍ നിങ്ങളുടെ കുട്ടികളെ നമസ്കാരം കൊണ്ട് കല്‍പ്പിക്കുക, പത്ത് വയസ്സായാല്‍ അതിന്മേല്‍ അവരെ അടിക്കുക, വിരിപ്പില്‍ നിന്ന് അവരെ വേറെ വേറെയാക്കണം. "
ഇവിടെ അടിക്കണം എന്ന കല്‍പ്പനയെ കുറിച്ച് ഷെയ്ഖ്‌ ഇബ്നു ഉസൈമീന്‍رحمه الله പറയുന്നു:
(اضربوهم عليها لعشر)الأمر للوجوب ، لكن يقيد بما إذا كان الضرب نافعاً ؛ لأنه أحياناً تضرب الصبي ولكن ما ينتفع بالضرب ، ما يزداد إلا صياحاً وعويلاً ولا يستفيد ، ثم إن المراد بالضرب الضرب غير المبرح ، الضرب السهل الذي يحصل به الإصلاح ولا يحصل به الضرر " انتهى .
"(പത്ത് വയസ്സായാല്‍ നിങ്ങള്‍ അവരെ അടിക്കുക.) ഇത് വാജിബാണ്‌. എന്നാല് ഇത് നിര്‍ണയിക്കപ്പെടുന്നത് അടിക്കുക എന്നത് ഉപകാരപ്രദമാകുമ്പോള്‍ ആണ്. കാരണം ചിലപ്പോള്‍ കുട്ടിയെ അടിക്കുന്നു, എന്നാല് ആ അടികൊണ്ട് കാര്യമുണ്ടാകില്ല. അത് കരച്ചിലും മുറവിളിയും അല്ലാതെ മറ്റൊന്നും വര്‍ദ്ധിപ്പിക്കുന്നില്ല , ഉപകാരം ഉണ്ടാകില്ല. അത് പോലെ അടി കൊണ്ട് ഉദ്ധേശിക്കുന്നത് പരിക്കേല്‍ക്കാത്ത അടിയാണ്. നന്നാക്കുവാന്‍ കഴിയുന്ന ഉപദ്രവം ഉണ്ടാക്കാത്ത ലളിതമായ അടിയാണത് . "(2)
(اضربوهم عليها لعشر)الأمر للوجوب ، لكن يقيد بما إذا كان الضرب نافعاً ؛ لأنه أحياناً تضرب الصبي ولكن ما ينتفع بالضرب ، ما يزداد إلا صياحاً وعويلاً ولا يستفيد ، ثم إن المراد بالضرب الضرب غير المبرح ، الضرب السهل الذي يحصل به الإصلاح ولا يحصل به الضرر " انتهى .
"(പത്ത് വയസ്സായാല്‍ നിങ്ങള്‍ അവരെ അടിക്കുക.) ഇത് വാജിബാണ്‌. എന്നാല് ഇത് നിര്‍ണയിക്കപ്പെടുന്നത് അടിക്കുക എന്നത് ഉപകാരപ്രദമാകുമ്പോള്‍ ആണ്. കാരണം ചിലപ്പോള്‍ കുട്ടിയെ അടിക്കുന്നു, എന്നാല് ആ അടികൊണ്ട് കാര്യമുണ്ടാകില്ല. അത് കരച്ചിലും മുറവിളിയും അല്ലാതെ മറ്റൊന്നും വര്‍ദ്ധിപ്പിക്കുന്നില്ല , ഉപകാരം ഉണ്ടാകില്ല. അത് പോലെ അടി കൊണ്ട് ഉദ്ധേശിക്കുന്നത് പരിക്കേല്‍ക്കാത്ത അടിയാണ്. നന്നാക്കുവാന്‍ കഴിയുന്ന ഉപദ്രവം ഉണ്ടാക്കാത്ത ലളിതമായ അടിയാണത് . "(2)
മുകളില്‍ ഉള്ള വിഷയങ്ങളില്‍ നിന്നും നമുക്ക് ലഭിക്കുന്ന ഗുണപാഠങ്ങള്‍ ഇവയാണ്.
1.ഏഴു വയസ്സിനു മുമ്പ് കുട്ടി നമസ്കാരത്തോടും മറ്റും താല്പര്യം കാണിച്ചാല്‍ അതില്‍ അവനെ/അവളെ പ്രോത്സാഹിപ്പിക്കണം. എന്നാല് കല്‍പ്പനയോ മറ്റോ പാടില്ല.
2.ഏഴു വയസ്സ് മുതല്‍ കല്‍പ്പന തുടങ്ങണം , എല്ലാ നമസ്കാര സമയത്തും ഇത് ആവര്‍ത്തിക്കണം..ഇത് വാജിബാണ്‌.. ചെയ്തില്ലെങ്കില്‍ രക്ഷിതാവ് കുറ്റക്കാരന്‍ ആണ്. നിസ്കരിച്ചില്ലെങ്കിലും കുട്ടിക്ക് കുറ്റമൊന്നുമില്ല എന്ന് ഓര്‍ക്കണം. ഈ കാലയളവില്‍ അടിയോ ഭീഷണിയോ മറ്റോ പാടില്ല.
3.കേവലമായ ഭൌതിക സമ്മാനങ്ങളും മിട്ടായിയും മറ്റും വാഗ്ദാനം ചെയ്ത് കൊണ്ട് മാത്രം പരിശീലിപ്പിക്കരുത്, അല്ലാഹുവില്‍ നിന്നുള്ള സമ്മാനവും സ്വര്‍ഗ്ഗവും മറ്റും അറിയിക്കുക. അത് ചിലപ്പോള്‍ ഭൌതികമായും ലഭിച്ചെക്കാം എന്ന് കുട്ടിക്ക് മനസ്സിലാകുന്ന രീതിയില്‍ അല്ലാഹുവില്‍ ബന്ധിപ്പിച്ചു പറഞ്ഞു കൊണ്ട് ആവശ്യമെങ്കില്‍ സമ്മാനം നല്‍കാം.
4. പത്ത് വയസ്സ് മുതല്‍ നിസ്കരിച്ചില്ലെങ്കില്‍ ഉപദ്രവം ഇല്ലാത്ത രീതിയില്‍ അടിയും മറ്റു ഭീഷണികളും നടത്തണം. ഇതും വാജിബാണ്‌. നിസ്കരിച്ചില്ലെങ്കിലും കുട്ടിക്ക് കുറ്റമൊന്നുമില്ല. അതിനാല്‍ തന്നെ ഈ അടിയും ഭീഷണിയുമൊക്കെ പ്രായപൂര്‍ത്തി എത്തുമ്പോഴേക്ക് നമസ്കാരം കൃത്യമാക്കാന്‍ വേണ്ടിയാണ് എന്ന് പ്രത്യേകം ഓര്‍ക്കണം.
5. ഇങ്ങനെ വളര്‍ത്തിയാല്‍ പ്രായപൂര്‍ത്തി എത്തുന്നതോട് കൂടി, അഥവാ നമസ്കരിച്ചില്ലെങ്കില്‍ കുറ്റം ലഭിക്കുന്ന പ്രായം എത്തുമ്പോഴേക്കും നമസ്കാരം കൃത്യമായി നിര്‍വഹിക്കുന്ന ഒരു അവസ്ഥ ഉണ്ടാകും..ഇന്ഷാ അല്ലാഹ്.
അള്ളാഹു തൌഫീഖ് നല്‍കട്ടെ.. ആമീന്‍.
-ഫലാഹുദ്ധീന്‍ ബ്ന്‍ അബ്ദുസ്സലാം.-
NB:
NB:
