عَنْ سَهْلِ بْنِ سَعْدٍ، قَالَ: جَاءَ رَسُولُ اللَّهِ صَلَّى اللهُ عَلَيْهِ وَسَلَّمَ بَيْتَ فَاطِمَةَ فَلَمْ يَجِدْ عَلِيًّا فِي البَيْتِ، فَقَالَ: «أَيْنَ ابْنُ عَمِّكِ؟» قَالَتْ: كَانَ بَيْنِي وَبَيْنَهُ شَيْءٌ، فَغَاضَبَنِي، فَخَرَجَ، فَلَمْ يَقِلْ عِنْدِي فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ لِإِنْسَانٍ: «انْظُرْ أَيْنَ هُوَ؟» فَجَاءَ فَقَالَ: يَا رَسُولَ اللَّهِ، هُوَ فِي المَسْجِدِ رَاقِدٌ، فَجَاءَ رَسُولُ اللَّهِ صَلَّى اللهُ عَلَيْهِ وَسَلَّمَ وَهُوَ مُضْطَجِعٌ، قَدْ سَقَطَ رِدَاؤُهُ عَنْ شِقِّهِ، وَأَصَابَهُ تُرَابٌ، فَجَعَلَ رَسُولُ اللَّهِ صَلَّى اللهُ عَلَيْهِ وَسَلَّمَ يَمْسَحُهُ عَنْهُ، وَيَقُولُ: «قُمْ أَبَا تُرَابٍ، قُمْ أَبَا تُرَابٍ»
സഹ്ല്‍ ഇബ്നു സ'അദുرضي الله عنه നിവേദനം ചെയ്യുന്നു: അദ്ദേഹം പറഞ്ഞു : നബിﷺ ഫാത്തിമرضي الله عنها യുടെ വീട്ടില്‍ വന്നു, എന്നാല്‍ അവിടെ അലിرضي الله عنه വിനെ കണ്ടില്ല. അപ്പോള്‍ എവിടെ നിന്റെ അമ്മാവന്‍റെ മകന്‍ എന്ന് ചോദിച്ചു. അവള്‍ പറഞ്ഞു: എനിക്കും അദ്ധേഹത്തിനും ഇടയില്‍ ചിലത് ഉണ്ടായി, അദ്ദേഹം എന്നോട് കോപിച്ചു ഇറങ്ങിപ്പോയി. എന്റെയടുക്കല്‍ ഒന്നും പറഞ്ഞില്ല. അപ്പോള്‍ നബിﷺ (തന്റെ കൂടെയുള്ള) ആളോട് പറഞ്ഞു "അദ്ദേഹം എവിടെയാണ് എന്നു നോക്കുക." അങ്ങനെ അയാള്‍ വന്നു. അദ്ദേഹം പറഞ്ഞു : റസൂലേ അദ്ദേഹം പള്ളിയില്‍ ഉറങ്ങുകയാണ്. അപ്പോള്‍ നബിﷺ അവിടേക്ക് പോയി,ആ സമയം അലിرضي الله عنه കിടക്കുകയായിരുന്നു. അദ്ധേഹത്തിന്റെ മേല്‍ വസ്ത്രം ഒരു ഭാഗത്തേക്ക് വീണിരുന്നു. അങ്ങനെ ശരീരത്തില്‍ മണ്ണ് ആയിരുന്നു. നബിﷺ അത് തട്ടിക്കളഞ്ഞു ,എന്നിട്ട് പറഞ്ഞു:" മണ്ണിന്റെ പിതാവേ എഴുന്നേല്‍ക്ക്, മണ്ണിന്റെ പിതാവേ എഴുന്നേല്‍ക്ക്".
(ഇമാം ബുഖാരിയും മുസ്ലിമും ഉദ്ധരിച്ചത്.)
(ഇമാം ബുഖാരിയും മുസ്ലിമും ഉദ്ധരിച്ചത്.)
റസൂല്‍ﷺ യുടെ സ്വഭാവവും പെരുമാറ്റവും വിവരിക്കുന്ന മനോഹരമായ ഒരു ഹദീസ് ആണിത്. അലിرضي الله عنه വിന്‍റെ മഹത്വവും പള്ളിയില്‍ ഉറങ്ങാം എന്നതിനും ഓമനപ്പേരുകള്‍ വിളിക്കാം എന്നതിനുമൊക്കെ തെളിവായി പണ്ഡിതന്മാര്‍ സ്വീകരിച്ച ഈ ഹദീസ് അതോടൊപ്പം വിവാഹ ജീവിതവുമായി ബന്ധപ്പെട്ട വളരെ പ്രധാനപ്പെട്ട ചില വിഷയങ്ങളും അറിയിക്കുന്നുണ്ട്.
ആ വിഷയവുമായി ബന്ധപ്പെട്ട് ഈ ഹദീസ് നല്‍കുന്ന പ്രധാന പാഠം ഇവയാണ്.
1. കുടുംബ ജീവിതത്തില്‍ ഭാര്യയും ഭര്‍ത്താവും തമ്മില്‍ പ്രശ്നങ്ങള്‍ ഉണ്ടാകുക സ്വാഭാവികമാണ്.
ഈ ഹദീസിലൂടെ ഉലമാക്കള്‍ അത് വിവരിക്കുന്നുണ്ട്.
ഇമാം ഇബ്നു ബതാല്‍ പറയുന്നു:
. وفى هذا الحديث أن أهل الفضل قد يقع بينهم وبين أزواجه ماجبل الله عليه البشر من الغضب والحرج حتى يدعوهم ذلك إلى الخروج عن بيوتهم، وليس ذلك بعائب لهم.
(ശ്രേഷ്ടത ഉള്ള ആളുകളിലും അവരുടെ ഇണകള്‍ക്കിടയിലും അള്ളാഹു മനുഷ്യരുടെ പ്രകൃതിയില്‍ സംവിധാനിച്ച ദേഷ്യം, പ്രശ്നം തുടങ്ങിയവ സംഭവിക്കുമെന്നതിനും അത് വീട്ടില്‍ നിന്ന് ഇറങ്ങിപ്പോകുന്നതിലേക്ക് വരെ അവരെ നയിച്ചേക്കാം എന്നതിനും അത് അവരുടെ ഒരു ന്യൂനതയല്ല എന്നതിനും ഈ ഹദീസില്‍ തെളിവുണ്ട്)
(شرح صحيح البخارى لابن بطال)
ഇമാം ഇബ്നു ബതാല്‍ പറയുന്നു:
. وفى هذا الحديث أن أهل الفضل قد يقع بينهم وبين أزواجه ماجبل الله عليه البشر من الغضب والحرج حتى يدعوهم ذلك إلى الخروج عن بيوتهم، وليس ذلك بعائب لهم.
(ശ്രേഷ്ടത ഉള്ള ആളുകളിലും അവരുടെ ഇണകള്‍ക്കിടയിലും അള്ളാഹു മനുഷ്യരുടെ പ്രകൃതിയില്‍ സംവിധാനിച്ച ദേഷ്യം, പ്രശ്നം തുടങ്ങിയവ സംഭവിക്കുമെന്നതിനും അത് വീട്ടില്‍ നിന്ന് ഇറങ്ങിപ്പോകുന്നതിലേക്ക് വരെ അവരെ നയിച്ചേക്കാം എന്നതിനും അത് അവരുടെ ഒരു ന്യൂനതയല്ല എന്നതിനും ഈ ഹദീസില്‍ തെളിവുണ്ട്)
(شرح صحيح البخارى لابن بطال)
ഇത് എല്ലാവര്ക്കും അറിയുന്നതും എന്നാല്‍ സ്വന്തം ജീവിതത്തില്‍ വരുമ്പോള്‍ പലരും ഉള്‍ക്കൊള്ളാത്തതുമായ ഒരു വിഷയമാണ്. ശാരീരികമായും മാനസികമായും സാമൂഹികമായും തികച്ചും വ്യത്യസ്തമായ രണ്ടു പേര്‍ ചേര്‍ന്ന് ജീവിതം ആരംഭിക്കുമ്പോള്‍ അതില്‍ കൊച്ചു കൊച്ചു പ്രശ്നങ്ങള്‍ ഉണ്ടാകുക സ്വഭാവികമാണ്. ആ പ്രശ്നങ്ങളെ ഒരു ഇണ എന്ന നിലയില്‍ താന്‍ എങ്ങനെ കൈകാര്യം ചെയ്യുന്നു എന്നിടത്താണ് ദാമ്പത്യ വിജയവും പരാജയവും നിലകൊള്ളുന്നത്. പലപ്പോഴും ഓരോ വിഷയങ്ങള്‍ ഉണ്ടാകുമ്പോഴും അതിനെ തികച്ചും വൈകാരികമായി കണ്ടു സങ്കടവും ദേഷ്യവും കോപവും എല്ലാം മനസ്സില്‍ നിറച്ച് അള്ളാഹു തനിക്ക് നല്‍കിയ തന്റെ ഇണയെ മോശമായ ദിശയില്‍ കാണുന്ന അവസ്ഥ ഉണ്ടാകാറുണ്ട്. ഒരു പാട് നന്മകളും നല്ല അനുഭവവും തന്റെ ഇണയില്‍ ഉണ്ടെങ്കിലും അതിനെ കുറിച്ച് ആലോചിക്കാതെ ഈ കുറ്റവും കുറവുകളും കണ്ടെത്തുവാന്‍ നാം ശ്രമിക്കുന്നു. അങ്ങനെ കുടുംബ ജീവിതത്തില്‍ പ്രശ്നങ്ങള്‍ തുടങ്ങുകയും ചെയ്യുന്നു. തീര്‍ച്ചയായും പിശാചിന്റെ കെണിയില്‍ നാം വീഴുന്നു എന്നതിനുള്ള തെളിവാണ് ഇത് .
നബിﷺ പറഞ്ഞു : ഇബ്ലീസ് തന്റെ സിംഹാസനത്തെ വെള്ളത്തിന്‌ മുകളില്‍ വെച്ചിരിക്കുന്നു, പിന്നെ അവന്‍ തന്റെ സൈന്യത്തെ അയക്കുന്നു. അവരില്‍ ഏറ്റവും അധികം ഫിത്ന ഉണ്ടാക്കുന്നവന്‍ ആണ് അവനോടു ഏറ്റവും അടുത്തവന്‍. അവരില്‍ ഒരുവന്‍ വന്നു പറയും : ഞാന്‍ ഇന്നയിന്ന കാര്യങ്ങള്‍ ചെയ്തിരിക്കുന്നു, അപ്പോള്‍ ഇബ്ലീസ് പറയും: നീ ഒന്നും ചെയ്തില്ല. മറ്റൊരാള്‍ പറയും :ഞാന്‍ ഒരു വ്യക്തിക്കും അവന്‍റെ ഭാര്യക്കും ഇടയില്‍ ഭിന്നത ഉണ്ടാക്കുന്നത് വരെ അവരെ വിട്ടില്ല. ആ സമയം ഇബ്ലീസ് അവനോടു അടുത്ത് നില്‍ക്കും എന്നിട്ട് പറയും "നീ എത്ര നല്ലവന്‍" ( ഇമാം മുസ്ലിം നിവേദനം ചെയ്തത്. )
കുടുംബ ജീവിതത്തിലെ പ്രയാസങ്ങളും മറ്റും ഉണ്ടാകുമ്പോള്‍ അതിന്‍റെ പേരില്‍ പ്രശ്നം ഉണ്ടാക്കുന്നവര്‍ ഇബ്ലീസിനെ സന്തോഷിപ്പിക്കുകയാണ് ചെയ്യുന്നത്. വിശ്വാസിയായ പുരുഷനും സ്ത്രീയും അങ്ങനെയല്ല.
അള്ളാഹു പറയുന്നു:
അള്ളാഹു പറയുന്നു:
فَإِن كَرِهْتُمُوهُنَّ فَعَسَىٰ أَن تَكْرَهُوا شَيْئًا وَيَجْعَلَ اللَّـهُ فِيهِ خَيْرًا كَثِيرًا
"ഇനി നിങ്ങള്‍ക്കവരോട്(ഭാര്യമാരോട്) വെറുപ്പ് തോന്നുന്ന പക്ഷം (നിങ്ങള്‍ മനസ്സിലാക്കുക) നിങ്ങളൊരു കാര്യം വെറുക്കുകയും അതേ കാര്യത്തില്‍ അല്ലാഹു ധാരാളം നന്‍മ നിശ്ചയിക്കുകയും ചെയ്തെന്നും വരാം."(4:19)
"ഇനി നിങ്ങള്‍ക്കവരോട്(ഭാര്യമാരോട്) വെറുപ്പ് തോന്നുന്ന പക്ഷം (നിങ്ങള്‍ മനസ്സിലാക്കുക) നിങ്ങളൊരു കാര്യം വെറുക്കുകയും അതേ കാര്യത്തില്‍ അല്ലാഹു ധാരാളം നന്‍മ നിശ്ചയിക്കുകയും ചെയ്തെന്നും വരാം."(4:19)
പണ്ഡിതന്മാര്‍ ഇത് വിശദീകരിച്ചു കൊണ്ട് പറഞ്ഞത് ആ വെറുപ്പ് ഉള്ള കാര്യങ്ങള്‍ നീങ്ങുകയും സ്നേഹം ഉള്ള കാര്യങ്ങള്‍ വരികയും ചെയ്തേക്കാം എന്നാണു , അത്തരം സംഭവങ്ങള്‍ ഒരു പാട് ജീവിതങ്ങളില്‍ സംഭിവിച്ചിട്ടുമുണ്ട്.
അതിനാല്‍ ഭാര്യയാകട്ടെ ഭര്‍ത്താവാകട്ടെ, വേണ്ടത് ക്ഷമയും പക്വതയും അവധാനതയും ഉള്‍കൊള്ളുന്ന പെരുമാറ്റമാണ് . ഓരോ പ്രയാസങ്ങള്‍ ഉണ്ടാകുമ്പോഴും അത് ഉന്നയിച്ചു പ്രശ്നങ്ങള്‍ ഉണ്ടാക്കാന്‍ അല്ല ആ പ്രയാസങ്ങളെ നല്ല രീതിയില്‍ തരണം ചെയ്യാനും പരിഹരിക്കാനും ആണ് ശ്രമിക്കേണ്ടത്.
ഭര്‍ത്താക്കന്മാര്‍ തങ്ങളുടെ ഭാര്യമാരുടെ കാര്യത്തില്‍ അല്ലാഹുവിനെ സൂക്ഷിക്കുക. നബിﷺ പറഞ്ഞു "ഭാര്യമാരുടെ കാര്യത്തില്‍ നിങ്ങള്‍ അല്ലാഹുവിനെ സൂക്ഷിക്കുക, നിങ്ങള്‍ അവളെ സ്വീകരിച്ചത് അല്ലാഹുവിന്റെ അമാനത്തില്‍ ആകുന്നു. അല്ലാഹുവിന്റെ കലിമത്ത് കൊണ്ടാകുന്നു അവളുടെ ലൈഗീക അവയവം നിങ്ങള്‍ക്ക് അനുവദിക്കപ്പെട്ടത്."(ബുഖാരി,മുസ്ലിം). അതിനാല്‍ ഏറ്റവും നന്നായി അവളോട്‌ പെരുമാറുക. ഏറ്റവും ഉത്തമന്‍ ഭാര്യമാരോട് ഏറ്റവും നന്നായി പെരുമാറുന്നവന്‍ ആണ്.അതിനാല്‍ ക്ഷമയോടെ ഏറ്റവും നല്ല രീതിയില്‍ അവളോട്‌ പെരുമാറുക. അവളുടെ ദുഖങ്ങളും പരിഭവങ്ങളും പരിഗണിക്കുക, ന്യായമായ നിലയില്‍ അവളെ പരിചരിക്കുക. നിങ്ങളുടെ ദീനും ആദര്‍ശവും ഏറ്റവും നന്നായി അനുഭവിക്കേണ്ടത് അവളാണ്.
ഭാര്യമാര്‍ തങ്ങളുടെ ഭര്ത്താവിന്റെ കാര്യത്തില്‍ അല്ലാഹുവിനെ സൂക്ഷിക്കുക. ഭര്‍ത്താവിനെ അനുസരിക്കുക, അദ്ധേഹത്തിന്റെ കാര്യങ്ങള്‍ ചെയ്തു കൊടുക്കുക എന്നിവ തന്റെ മേല്‍ വാജിബാണ്‌ എന്നറിയുക.അതിലൂടെ മഹത്തായ പ്രതിഫലം ഉണ്ടെന്നും മനസ്സിലാക്കുക. അദ്ധേഹത്തോടുള്ള കടപ്പാടുകള്‍ നിറവേറ്റാതെ അല്ലാഹുവിനോടുള്ള കടമകള്‍ പോലും ചെയ്യേണ്ടതില്ല എന്നും റസൂല്‍ﷺ പറഞ്ഞത് വിശ്വസിനി അറിയുക.
നബിﷺ പറഞ്ഞു:
ثَلَاثَةٌ لَا تُجَاوِزُ صَلَاتُهُمْ آذَانَهُمْ : الْعَبْدُ الْآبِقُ حَتَّى يَرْجِعَ ، وَامْرَأَةٌ بَاتَتْ وَزَوْجُهَا عَلَيْهَا سَاخِطٌ ، وَإِمَامُ قَوْمٍ وَهُمْ لَهُ كَارِهُونَ
(മൂന്നു വിഭാഗം ആളുകളുടെ നമസ്കാരം അവരുടെ ചെവികളില്‍ നിന്ന്(മുകളിലേക്ക്) ഉയര്ത്തപ്പെടുകയില്ല, ഒളിച്ചോടിയ അടിമ,അവന്‍ തിരികെ വരുന്നത് വരെ, ഭര്‍ത്താവ് കോപിച്ച നിലയില്‍ (തന്റെ മോശം സ്വഭാവം നിമിത്തം) രാത്രി കഴിഞ്ഞു കൂടിയ സ്ത്രീ, ജനങ്ങള്‍ വെറുത്തിരിക്കെ അവര്‍ക്ക് ഇമാമായി നില്‍ക്കുന്നവന്‍.)رواه الترمذي وحسَّنه ، وحسَّنه الألباني في " صحيح الترمذي "
നബിﷺ പറഞ്ഞു: നീ അദ്ദേഹത്തോട്(ഭര്‍ത്താവിനോട്) എങ്ങിനെയാണ് പെരുമാറുന്നതെന്ന് ആലോചിച്ചുകൊള്ളുക. തീര്‍ച്ചയായും അദ്ദേഹമാണ് നിന്റെ സ്വര്‍ഗ്ഗവും നരകവും."(നസാഈ , അഹ്മദ്).
രണ്ടു പേരുടെ മേലും വാജിബായത് അവര്‍ തങ്ങളുടെ ഇണയോട് എങ്ങനെ പെരുമാറണം എന്നുള്ള ദീനിന്‍റെ കല്‍പ്പനകള്‍ അറിയലാണ്. അതുമായി ബന്ധപ്പെട്ട ധാരാളം ആയത്തുകളും ഹദീസുകളും ഉണ്ട്, അവ അറിയലും അതനുസരിച്ച് മാറേണ്ടതും ദീനിനും ദുന്യാവിനും അത്യാവശ്യമായ കാര്യമാണ്. (അനുബന്ധം കാണുക)
2.വിവാഹ പ്രശ്നങ്ങളെ കൈകാര്യം ചെയ്യേണ്ടത് സൌമ്യതോടെയാണ്.
ഒട്ടു മിക്ക കുടുംബ പ്രശ്നങ്ങളും വിശകലനം ചെയ്‌താല്‍ മനസ്സിലാകുന്ന ഒരു സത്യമാണ് പ്രതേക വിഷയങ്ങള്‍ അല്ല , അവ കൈകാര്യം ചെയ്ത രീതിയാണ് ബന്ധങ്ങളെ തകര്‍ക്കുന്നത്. ഇവിടെ ഈ ഹദീസില്‍ നോക്കൂ..ജീവിതത്തിലെ നിഖില മേഖലകളിലും നമുക്ക് മാതൃകയായ അല്ലാഹുവിന്റെ റസൂല്‍ﷺ ഈ വിഷയത്തെ കൈകാര്യം ചെയ്തത് എങ്ങനെയാണ്. തന്റെ കരളിന്റെ കഷ്ണമായ മകളോട് ദേഷ്യം പിടിച്ചു ഇറങ്ങിപ്പോയ അവളുടെ ഭര്‍ത്താവിനെ കുറിച്ച് മകളോട് ആക്ഷേപം പറയുന്നില്ല, മറിച്ചു അദ്ധേഹത്തെ അന്വേഷിക്കാന്‍ ആളെ വിടുകയും ഉള്ള സ്ഥലം മനസ്സിലാക്കി അങ്ങോട്ട്‌ പോകുകയും ചെയ്യുന്നു, ശേഷം വളരെ സൌമ്യതയോടെ അല്പം തമാശ കലര്‍ത്തി സംസാരിച്ചിട്ടു എഴുന്നേല്‍ക്കാന്‍ പറയുന്നു. എന്തിനാണ് മകളോട് ദേഷ്യപ്പെട്ടതെന്നോ ചെയ്തത് ശരിയായില്ല എന്നോ പറയാതെ അദ്ധേഹത്തെ മകളുടെ അടുക്കലേക്ക് അയക്കുകയും ചെയ്യുന്നു.
പ്രസ്തുത ഹദീസ് വിശദീകരിച്ചു കൊണ്ട് ഇമാം ഇബ്നു ബതാല്‍رحمه الله പറഞ്ഞു :
فيه: الرفق بالاصهار وإلطافهم، وترك معاتبتهم على مايكون منهم لأهلهم، لأن النبى عليه السلام لم يعاتب عليا على مغاضبته لأهله، بل قال له: قم. وعرض له بالانصراف إلى أهله.
(വിവാഹത്തിലൂടെ ഉണ്ടാകുന്ന ബന്ധുക്കളോട് സൌമ്യതയിലും അലിവോടെയും പെരുമാറണം എന്ന് ഈ ഹദീസില്‍ ഉണ്ട്, അത് പോലെ അവരില്‍ നിന്നും തന്റെ ഭാര്യയോട്‌ ഉണ്ടാകുന്നതിനെ തൊട്ട് കുറ്റപ്പെടുത്തല്‍ ഉപേക്ഷിക്കുകയും വേണം. കാരണം നബിﷺ അലിرضي الله عنه വിനെ അദ്ധേഹത്തിന്റെ ഭാര്യയോട്‌ ദേഷ്യം പിടിച്ചതിന്റെ പേരില്‍ കുറ്റപ്പെടുത്തിയില്ല. മറിച്ചു പറഞ്ഞത് എഴുന്നേല്‍ക്കൂ എന്നാണു, അദ്ദേഹത്തിന് ഭാര്യയുടെ അടുത്തേക് പോകാന്‍ നിര്‍ദേശിക്കുകയാണ് ചെയ്തത്.) شرح صحيح البخارى لابن بطال
فيه: الرفق بالاصهار وإلطافهم، وترك معاتبتهم على مايكون منهم لأهلهم، لأن النبى عليه السلام لم يعاتب عليا على مغاضبته لأهله، بل قال له: قم. وعرض له بالانصراف إلى أهله.
(വിവാഹത്തിലൂടെ ഉണ്ടാകുന്ന ബന്ധുക്കളോട് സൌമ്യതയിലും അലിവോടെയും പെരുമാറണം എന്ന് ഈ ഹദീസില്‍ ഉണ്ട്, അത് പോലെ അവരില്‍ നിന്നും തന്റെ ഭാര്യയോട്‌ ഉണ്ടാകുന്നതിനെ തൊട്ട് കുറ്റപ്പെടുത്തല്‍ ഉപേക്ഷിക്കുകയും വേണം. കാരണം നബിﷺ അലിرضي الله عنه വിനെ അദ്ധേഹത്തിന്റെ ഭാര്യയോട്‌ ദേഷ്യം പിടിച്ചതിന്റെ പേരില്‍ കുറ്റപ്പെടുത്തിയില്ല. മറിച്ചു പറഞ്ഞത് എഴുന്നേല്‍ക്കൂ എന്നാണു, അദ്ദേഹത്തിന് ഭാര്യയുടെ അടുത്തേക് പോകാന്‍ നിര്‍ദേശിക്കുകയാണ് ചെയ്തത്.) شرح صحيح البخارى لابن بطال
ഇമാം ഇബ്നു ഹജര്‍رحمه الله പറയുന്നു.
فِيهِ كَرَمُ خُلُقِ النَّبِيِّ صَلَّى اللَّهُ عَلَيْهِ وَسَلَّمَ لِأَنَّهُ تَوَجَّهَ نَحْوَ عَلِيٍّ لِيَتَرَضَّاهُ وَمَسَحَ التُّرَابَ عَنْ ظَهْرِهِ لِيُبْسِطَهُ وَدَاعَبَهُ بِالْكُنْيَةِ الْمَذْكُورَةِ الْمَأْخُوذَةِ مِنْ حَالَتِهِ وَلَمْ يُعَاتِبْهُ عَلَى مُغَاضَبَتِهِ لِابْنَتِهِ مَعَ رَفِيعِ مَنْزِلَتِهَا عنده
(നബിﷺ യുടെ ഉന്നതമായ സ്വഭാവത്തിനു ഈ ഹദീസില്‍ തെളിവുണ്ട്. കാരണം റസൂല്‍ﷺ അലിرضي الله عنه യുടെ അടുക്കലേക്ക് അദ്ധേഹത്തെ തൃപ്തിപ്പെടുത്താന്‍ പോകുകയും അദ്ധേഹത്തെ സന്തോഷിപ്പിക്കാനായി പുറം ഭാഗത്തുള്ള മണ്ണ് തുടച്ചു കൊടുക്കുകയും അപ്പോഴുള്ള അവസ്ഥ വെച്ച് ഓമനപ്പേര് വിളിക്കുകയും ചെയ്യുന്നു. തന്‍റെയടുക്കള്‍ മകള്‍ക്കു ഉന്നതമായ സ്ഥാനം ഉണ്ടായിട്ടും മകളോട് ദേഷ്യം പിടിച്ചതിന്റെ പേരില്‍ അലിرضي الله عنه യെ കുറ്റപ്പെടുത്താതിരുന്നു.) فتح الباري لابن حجر
(നബിﷺ യുടെ ഉന്നതമായ സ്വഭാവത്തിനു ഈ ഹദീസില്‍ തെളിവുണ്ട്. കാരണം റസൂല്‍ﷺ അലിرضي الله عنه യുടെ അടുക്കലേക്ക് അദ്ധേഹത്തെ തൃപ്തിപ്പെടുത്താന്‍ പോകുകയും അദ്ധേഹത്തെ സന്തോഷിപ്പിക്കാനായി പുറം ഭാഗത്തുള്ള മണ്ണ് തുടച്ചു കൊടുക്കുകയും അപ്പോഴുള്ള അവസ്ഥ വെച്ച് ഓമനപ്പേര് വിളിക്കുകയും ചെയ്യുന്നു. തന്‍റെയടുക്കള്‍ മകള്‍ക്കു ഉന്നതമായ സ്ഥാനം ഉണ്ടായിട്ടും മകളോട് ദേഷ്യം പിടിച്ചതിന്റെ പേരില്‍ അലിرضي الله عنه യെ കുറ്റപ്പെടുത്താതിരുന്നു.) فتح الباري لابن حجر
എത്ര ലളിതവും സുന്ദരവുമായ രീതിയാണ് അല്ലാഹുവിന്റെ റസൂല്‍ സ്വീകരിച്ചത്. എന്നാല്‍ ഇന്ന് പല രക്ഷിതാക്കളും ഇതിനു നേര്‍ വിപരീതമാണ് ചെയ്യുന്നത്. അവര്‍ വിഷയങ്ങളില്‍ ഇടപെട്ട് അതിനെ അതിനേക്കാള്‍ വലിയ പ്രശ്നമാക്കി മാറ്റുകയാണ് ചെയ്യുന്നത്. തങ്ങളുടെ മകളോ മകനോ സഹോദരനോ സഹോദരിയോ ആരുമാകട്ടെ, ഭാര്യ ഭര്‍തൃ ബന്ധങ്ങളില്‍ ഇടപെടുന്നവര്‍ ശ്രദ്ധിക്കേണ്ട ഏറ്റവും പ്രധാന വിഷയം തങ്ങളുടെ ഇടപെടലിലൂടെ ആ ബന്ധം വഷളായാല്‍ അത് വലിയ തിന്മയാണ് എന്നാണു. കാരണം വിവാഹ ബന്ധത്തെ അകറ്റുക എന്നത് പിശാചിന്റെ പ്രവര്‍ത്തനമാണ്. അത് മഹാ പാപത്തില്‍ പെട്ട ഒന്നുമാണ്.
നബിﷺ പറഞ്ഞു :
"ليس منَّا من خبب امرأة على زوجها "
(ഒരു പെണ്ണിനെ അവളുടെ ഭര്‍ത്താവിനെതിരെ തിരിക്കുന്നവന്‍ നമ്മില്‍ പെട്ടവനല്ല.) رواه أبو داود ( 2175 ) وصححه الألباني في " صحيح أبي داود
"ليس منَّا من خبب امرأة على زوجها "
(ഒരു പെണ്ണിനെ അവളുടെ ഭര്‍ത്താവിനെതിരെ തിരിക്കുന്നവന്‍ നമ്മില്‍ പെട്ടവനല്ല.) رواه أبو داود ( 2175 ) وصححه الألباني في " صحيح أبي داود
അഥവാ ഭര്ത്താവിന്റെ കുറ്റങ്ങള്‍ അവളോടു പറയുക, അല്ലെങ്കില്‍ അന്യപുരുഷന്റെ നന്മകള്‍ പറയുക എന്നിങ്ങനെ ചെയ്തിട്ട് വിവാഹ മോചനത്തെ നല്ലതായി അവള്‍ക്ക് തോന്നിപ്പിക്കുക, അല്ലെങ്കില്‍ അവരുടെ ബന്ധത്തില്‍ കുഴപ്പം ഉണ്ടാക്കുക എന്നിങ്ങനെയാണ് ഇവിടെ ഉദ്ദേശിക്കുന്നത് എന്നാണു പണ്ഡിതന്മാര്‍ ഇത് വിശദീകരിച്ചു കൊണ്ട് പറഞ്ഞത്. അങ്ങനെ ചെയ്യുന്നവന്‍ നമ്മില്‍ പെട്ടവനല്ല എന്ന ശക്തമായ താക്കീത് ആകുന്നു റസൂല്‍ﷺ നല്‍കിയത്.
ബോധപൂര്‍വമോ അല്ലാതെയോ പലരും ഇത്തരം പ്രവര്‍ത്തനങ്ങള്‍ ചെയ്യുന്നു, ചിലര്‍ തന്റെ പെണ്‍കുട്ടിയോട് അങ്ങേയറ്റം സ്നേഹം ഉള്ളതിനാലോ മറ്റോ നിഷ്കളങ്കമായി ചെയ്യുന്നതാകും, എന്നാല്‍ അത് പലപ്പോഴും പ്രശ്നങ്ങള്‍ ഉണ്ടാക്കുകയാണ് ചെയ്യുന്നത്.
ഷെയ്ഖ്‌ സുലൈമാന്‍ അര്‍ റുഹൈലിحفظه الله ഭാര്യ ഭര്‍തൃ കടമകളെ കുറിച്ച് പറയുമ്പോള്‍ ഒരു ഭാര്യയുടെ മേല്‍ ഭര്ത്താവിന്റെ സ്ഥാനത്തെ കുറിച്ചും അവകാശങ്ങളെ കുറിച്ചും വന്ന പല ഹദീസുകളും ഉദ്ധരിക്കുകയുണ്ടായി. ശേഷം ഒരു വിശ്വസിനിയായ പെണ്ണ് ദേഷ്യം പിടിച്ചാലും തന്റെ ഭര്‍ത്താവില്‍ നിന്നും വിട്ടു നില്‍ക്കില്ലെന്ന വിഷയം പറഞ്ഞു കൊണ്ട് അദ്ദേഹം പറയുകയാണ്‌.
"(ഈ വിഷയത്തില്‍) എവിടെയാണ് ഇന്നത്തെ സ്ത്രീകള്‍..? ഇന്ന് ചില സ്ത്രീകള്‍ അവര്‍ രണ്ടു പേര്‍ക്കുമിടയില്‍ ദേഷ്യം ഉണ്ടായാല്‍ അവള്‍ അവളുടെ ബാഗുമെടുത്ത് അവളുടെ വീട്ടിലേക്ക് പോകുകയാണ്, അങ്ങനെ അവളുടെ വീട്ടുകാരുടെ കൂടെ ദിവസങ്ങള്‍ അവള്‍ നില്‍ക്കുന്നു , അവളുടെ വീട്ടുകാരാകട്ടെ അവളുടെ ഭര്ത്താവിന്റെ (അവളുടെ മേലുള്ള) അവകാശത്തെ തടയുന്നു,അവനിലേക്ക് മടങ്ങുന്ന പെണ്ണായി അവളെ മാറ്റുന്നില്ല, അവളെ (ദീനിന്‍റെ) മര്യാദ പഠിപ്പിക്കുന്നില്ല, ഇത് ഒരു പെണ്ണ് ഭര്ത്താവിന്റെ കിടപ്പറയില്‍ നിന്ന് വിട്ടു നില്‍ക്കല്‍ അല്ലേ..? അല്ലാഹുവാണേ സത്യം..ഇത് കിടപ്പറയില്‍ നിന്ന് വിട്ടു നില്‍ക്കലാണ്. അവളുടെ നബിﷺ അവളെ അറിയിച്ചത് ഒരു പെണ്ണ് തന്റെ ഭര്ത്താവിന്റെ കിടപ്പറയില്‍ നിന്ന് വിട്ടു നിന്നാല്‍ അവള്‍ തിരികെ മടങ്ങും വരെ അല്ലാഹുവിന്റെ മലക്കുകള്‍ അവളെ ശപിക്കും എന്നാണു..!!! "(ഓഡിയോ റഫറന്‍സ്.1)
നോക്കുക എത്ര വലിയ തിന്മയാണ് ഇവിടെ സംഭവിക്കുന്നത്, എന്നാല്‍ അപ്പോള്‍ പോലും പല രക്ഷിതാക്കളും ചെയ്യുന്നത് ഇവിടെ ഷെയ്ഖ്‌ സൂചിപ്പിച്ചത് പോലെ നേരെ വിരുദ്ധമായ വിഷയമാണ്. തങ്ങളുടെ മകളാണ് എന്ന അവകാശം പറഞ്ഞു അവന്‍റെ കൂടെ അയക്കുന്നില്ല,അതില്‍ തങ്ങള്‍ക്ക് ആലോചിക്കണം എന്ന രീതിയില്‍ പറയുന്നു. യഥാര്‍ത്ഥത്തില്‍ ഒരു പെണ്ണിന്റെ മേല്‍ ഏറ്റവും വലിയ അവകാശം ഉള്ളത് അവളുടെ ഭര്‍ത്ത്താവിനാണ് എന്ന സത്യം അവര്‍ മറന്നു പോകുന്നു. ശൈഖുല്‍ ഇസ്ലാം പറയുന്നു
المرأة إذا تزوجت : كان زوجها أملك بها من أبويها ، وطاعة زوجها عليها أوجب قَالَ اللَّهُ تَعَالَى: {فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ} .
ഒരു സ്ത്രീ വിവാഹിതയായാല്‍ അവളുടെ ഭര്‍ത്താവിനാണ് അവളുടെ മാതാപിതാക്കളേക്കാള്‍ അവളില്‍ അവകാശമുള്ളത്. തന്റെ ഭര്‍ത്താവിനെ അനുസരിക്കലാകുന്നു അവളുടെ മേല്‍ കൂടുതല്‍ വാജിബായത്. അള്ളാഹു പറഞ്ഞു: "നല്ലവരായ സ്ത്രീകള്‍ (ഭര്‍ത്താവിനോട്)അനുസരണശീലമുള്ളവരും, അല്ലാഹു സംരക്ഷിച്ച പ്രകാരം (പുരുഷന്‍മാരുടെ) അഭാവത്തില്‍ (സംരക്ഷിക്കേണ്ടതെല്ലാം) സംരക്ഷിക്കുന്നവരുമാണ്‌."[النساء: 34].
(مجموع الفتاوى)
അള്ളാഹു നല്‍കിയ അവകാശത്തെ നിങ്ങള്‍ തടയുകയാണ് ചെയ്യുന്നത്. നേരെത്തെ സൂചിപ്പിച്ചത് പോലെ പലപ്പോഴും ആ രക്ഷിതാക്കള്‍ നല്ലവരും മകളോടുള്ള സ്നേഹത്തിന്റെ ഭാഗമായും തങ്ങളുടെ വൈകാരികമായ പല അനുഭവങ്ങളാല്‍ മനസ്സ് ദുര്‍ബലമായതിനാലും ചെയ്യുന്നതാകും.അത് പോലെ ബോധപൂര്‍വം ആകണം എന്നുമില്ല.എന്നാല്‍ ദീനിയായ നിയമം അറിഞ്ഞു കഴിഞ്ഞാല്‍ വിശ്വാസികള്‍ അത് പാലിക്കണം. അത് വാജിബാകുന്നു. കാരണം ഇത് അല്ലാഹുവിന്റെ ദീനിന്‍റെ നിയമം ആകുന്നു. അതില്‍ മാത്രമാകുന്നു നന്മയുള്ളത് .
المرأة إذا تزوجت : كان زوجها أملك بها من أبويها ، وطاعة زوجها عليها أوجب قَالَ اللَّهُ تَعَالَى: {فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ} .
ഒരു സ്ത്രീ വിവാഹിതയായാല്‍ അവളുടെ ഭര്‍ത്താവിനാണ് അവളുടെ മാതാപിതാക്കളേക്കാള്‍ അവളില്‍ അവകാശമുള്ളത്. തന്റെ ഭര്‍ത്താവിനെ അനുസരിക്കലാകുന്നു അവളുടെ മേല്‍ കൂടുതല്‍ വാജിബായത്. അള്ളാഹു പറഞ്ഞു: "നല്ലവരായ സ്ത്രീകള്‍ (ഭര്‍ത്താവിനോട്)അനുസരണശീലമുള്ളവരും, അല്ലാഹു സംരക്ഷിച്ച പ്രകാരം (പുരുഷന്‍മാരുടെ) അഭാവത്തില്‍ (സംരക്ഷിക്കേണ്ടതെല്ലാം) സംരക്ഷിക്കുന്നവരുമാണ്‌."[النساء: 34].
(مجموع الفتاوى)
അള്ളാഹു നല്‍കിയ അവകാശത്തെ നിങ്ങള്‍ തടയുകയാണ് ചെയ്യുന്നത്. നേരെത്തെ സൂചിപ്പിച്ചത് പോലെ പലപ്പോഴും ആ രക്ഷിതാക്കള്‍ നല്ലവരും മകളോടുള്ള സ്നേഹത്തിന്റെ ഭാഗമായും തങ്ങളുടെ വൈകാരികമായ പല അനുഭവങ്ങളാല്‍ മനസ്സ് ദുര്‍ബലമായതിനാലും ചെയ്യുന്നതാകും.അത് പോലെ ബോധപൂര്‍വം ആകണം എന്നുമില്ല.എന്നാല്‍ ദീനിയായ നിയമം അറിഞ്ഞു കഴിഞ്ഞാല്‍ വിശ്വാസികള്‍ അത് പാലിക്കണം. അത് വാജിബാകുന്നു. കാരണം ഇത് അല്ലാഹുവിന്റെ ദീനിന്‍റെ നിയമം ആകുന്നു. അതില്‍ മാത്രമാകുന്നു നന്മയുള്ളത് .
ഷെയ്ഖ്‌ സ്വാലിഹുല്‍ ഫൌസാന്‍حفظه الله പറയുന്നു :
والواجب على أهل الزوجة أن يحرصوا على صلاح ما بينها وبين زوجها ؛ لأن ذلك من مصلحتها ومصلحتهم .
والواجب على أهل الزوجة أن يحرصوا على صلاح ما بينها وبين زوجها ؛ لأن ذلك من مصلحتها ومصلحتهم .
പെണ്ണിന്റെയും അവളുടെ ഭര്‍ത്താവിന്റെയും ഇടയില്‍ രന്‍ജിപ്പ് ഉണ്ടാക്കുന്നതില്‍ ധൃതി കാണിക്കല്‍ പെണ് വീട്ടുകാരുടെ മേല്‍ വാജിബാണ്‌. അവളുടെയും അവരുടെയും മസ്ലഹത്തില്‍ പെട്ടതാണ് അത്. " المنتقى من فتاوى الشيخ الفوزان " ( 3 / 248 ، 249 ) .
ഇത് കേവലം പെണ് വീട്ടുകാരുടെ മേല്‍ മാത്രം ബാധകമായതല്ല. ഇടപെടുന്ന എല്ലാവരിലും വാജിബായത് അതാണ്‌. ഭര്‍തൃ വീട്ടുകാരും ദമ്പതികളെ സ്നേഹത്തിലും ഒരുമയിലും ജീവിക്കുവാന്‍ അനുവദിക്കണം. അവരെ തമ്മില്‍ അകറ്റുന്ന പ്രവര്‍ത്തനങ്ങള്‍ ഉണ്ടാകുവാന്‍ പാടില്ല. ഇങ്ങനെ ദമ്പതികളുടെ കാര്യത്തില്‍ ഇടപെടുന്ന മുഴുവന്‍ പേരും നിര്‍ബന്ധമായും ശ്രമിക്കണം.
സിഹിറിന്റെ പ്രവര്‍ത്തനമായി അള്ളാഹു പറഞ്ഞത്
فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ
(...അങ്ങനെ അവരില്‍ നിന്ന് ഭാര്യാഭര്‍ത്താക്കന്‍മാര്‍ക്കിടയില്‍ ഭിന്നതയുണ്ടാക്കുവാനുള്ള തന്ത്രങ്ങള്‍ ജനങ്ങള്‍ പഠിച്ച് കൊണ്ടിരുന്നു...) [2:102]
فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ
(...അങ്ങനെ അവരില്‍ നിന്ന് ഭാര്യാഭര്‍ത്താക്കന്‍മാര്‍ക്കിടയില്‍ ഭിന്നതയുണ്ടാക്കുവാനുള്ള തന്ത്രങ്ങള്‍ ജനങ്ങള്‍ പഠിച്ച് കൊണ്ടിരുന്നു...) [2:102]
ശൈഖുല്‍ ഇസ്ലാംഇബ്നു തൈമിയرحمه الله പറയുന്നു :
فسعي الرجل فى التفريق بين المرأة وزوجها من الذنوب الشديدة ، وهو من فعل السحرة ، وهو من أعظم فعل الشياطين .
(പെണ്ണിനും അവളുടെ ഭര്‍ത്താവിനും ഇടയില്‍ ഭിന്നതയുണ്ടാക്കാന്‍ ശ്രമിക്കുന്നത് കടുത്ത പാപമാണ്, അത് സിഹിറിന്റെ പ്രവര്‍ത്തനത്തില്‍ പെട്ടതാണ്, ശൈത്താന്റെ പ്രവര്‍ത്തനങ്ങളില്‍ ഏറ്റവും വലുതുമാണ്).
فسعي الرجل فى التفريق بين المرأة وزوجها من الذنوب الشديدة ، وهو من فعل السحرة ، وهو من أعظم فعل الشياطين .
(പെണ്ണിനും അവളുടെ ഭര്‍ത്താവിനും ഇടയില്‍ ഭിന്നതയുണ്ടാക്കാന്‍ ശ്രമിക്കുന്നത് കടുത്ത പാപമാണ്, അത് സിഹിറിന്റെ പ്രവര്‍ത്തനത്തില്‍ പെട്ടതാണ്, ശൈത്താന്റെ പ്രവര്‍ത്തനങ്ങളില്‍ ഏറ്റവും വലുതുമാണ്).
അതിനാല്‍ നമ്മുടെ വാക്കുകളും പ്രവര്‍ത്തനങ്ങളും ഒരു ദമ്പതികളുടെയും ഭിന്നതക്ക് കാരണമാകരുത്.
ഒരു നിലക്കും ഇടപെടാന്‍ പാടില്ല എന്നല്ല, ഇടപെടുന്നവര്‍ ചെയ്യേണ്ടത് നന്നാകുവാന്‍ ആവശ്യമായ കാര്യങ്ങള്‍ പ്രവര്തിക്കല്‍ ആണ് എന്ന് ചുരുക്കം.
അത് പോലെ തന്റെ ഇണയുടെയോ കുടുംബതിന്റെയോ ന്യൂനതകള്‍ മറ്റുള്ളവരോട് പറയുക എന്നതും തെറ്റായ കാര്യമാണ്. ഈ പ്രവണത പല സ്ത്രീകളിലും പുരുഷനിലും കാണാം. ചിലര്‍ മാതാവിനോട്, ചിലര്‍ പിതാവിനോട്, ചിലര്‍ സഹോദരനോടോ സഹോദരിയോടോ അല്ലെങ്കില്‍ ഏറ്റവും അടുത്ത സുഹൃത്തിനോടോ, അങ്ങനെ പലരോടും. അവര്‍ ചിലപ്പോള്‍ മറ്റുള്ളവരോട്..അങ്ങനെ അത് വലിയ പ്രശ്നമായി മാറുന്നു. കുടുംബ കൌണ്‍സിലര്‍മാര്‍ ശക്തമായി ഇതിനെ എതിര്‍ക്കുന്നതായി കാണാം. യഥാര്‍ത്ഥത്തില്‍ ദീനിയായും അത് ശരിയല്ല. അപ്രകാരം പറയുന്നതിനെ കുറിച്ചു പണ്ഡിതന്മാര്‍ വിവരിച്ചിട്ടുണ്ട്.
ഷെയ്ഖ്‌ ഇബ്നു ഉസൈമീന്‍رحمه الله പറയുന്നു:
ചോദ്യം : ഒരു സ്ത്രീ ഭര്‍ത്താവുമായുള്ള പ്രശ്നങ്ങളും കുഴപ്പങ്ങളും തന്റെ വീട്ടുകാരോട് പറയുന്നു, അവള്‍ തന്റെ ഭര്ത്താവിന്റെ നന്മകള്‍ പറയുന്നുമില്ല.എന്താണ് ഇതിന്‍റെ വിധി.?
ഉത്തരം : "ഈ ഭാര്യ തന്റെ കുടുംബത്തോട് ഭര്ത്താവിന്റെ നന്മകള്‍ പറയാതെ തിന്മകള്‍ പറയുന്നു എങ്കില്‍ വലിയ തെറ്റാണ് ചെയ്യുന്നത്. കാരണം ഇതിലൂടെ അവളുടെ കുടുംബം അവന്‍റെ തെറ്റുകള്‍ മാത്രം കാണുന്നു, അതിലൂടെ അവര്‍ ചിലപ്പോള്‍ അവരെ തമ്മില്‍ ഭിന്നിപ്പിക്കുന്ന പ്രവര്‍ത്തനങ്ങള്‍ ചെയ്തേക്കാം. തന്റെ കുടുംബത്തിന്റെയും മറ്റുള്ളവരുടെയും മുമ്പില്‍ ഭര്ത്താവിന്റെ തിന്മകള്‍ മറച്ചു വെക്കുന്നവളും അദ്ധേഹത്തിന്റെ നന്മകള്‍ പറയുന്നവളും ആണ് ബുദ്ധിമതിയും വിശ്വാസിനിയുമായ പെണ്ണ്.
ഇപ്രകാരം തന്നെ പെണ്ണല്ലാത്തവരോടും നാം പറയുന്നു , ഒരു മനുഷ്യനും മറ്റുള്ളവന്റെ നന്മകള്‍ ഇല്ലാതെ തിന്മകള്‍ മാത്രമായി പറയരുത്. മാത്രമല്ല നിരുപാധികമായി തന്നെ തിന്മകള്‍ പറയരുത് (അഥവാ നന്മകള്‍ കൂടെ പറഞ്ഞാലും തിന്മ പറയരുത്.) അത് നസീഹതിന്റെ പൂര്‍ണതക്ക് ആവശ്യമായാല്‍ അല്ലാതെ. (അപ്പോള്‍ പറയാം, അത് നന്നാക്കുവാന്‍ വേണ്ടിയാണ്, പ്രശനം ആക്കുവാന്‍ വേണ്ടിയല്ല). കാരണം നബിﷺ പറഞ്ഞത് ഗീബത് എന്നാല്‍ നിന്റെ സഹോദരനെ കുറിച്ച് അവനു വെറുപ്പുള്ള കാര്യം പറയലാണ് എന്നാണു. ഒരു മനുഷ്യന്‍റെ തിന്മകള്‍ പറയുക എന്നത് ഒരു സംശയവുമില്ല, ഗീബതാണ്. അത് കൊണ്ട് തന്നെ ദീനിയായ മസ്ലഹത് ഇല്ലാതെ ഒരാളുടെ തിന്മകള്‍ പറയരുത്. എങ്കില്‍ പിന്നെങ്ങനെ തിന്മകള്‍ പറയുകയും നന്മകള്‍ മറച്ചു വെക്കുകയും ചെയ്യും.. അത് കൊണ്ട് ആ ഭാര്യയോട്‌ എന്‍റെ ഉപദേശം അല്ലാഹുവിനെ സൂക്ഷിക്കാനും അയാളുടെ തിന്മകള്‍ കുടുംബത്തിന്റെ അടുക്കല്‍ പറയാതിരിക്കാനും ആണ്. അത് ചിലപ്പോള്‍ വേര്പിരിയലിലെക്ക് അവരെ നയിച്ചേക്കാം. എന്നാല്‍ ഒരു പെണ്ണ് തനിക്ക് വാജിബായി ലഭിക്കേണ്ട കാര്യങ്ങളില്‍ കുറവുകള്‍ ഉണ്ടാകുകയും തന്റെ അവസ്ഥ നന്നാക്കാന്‍ വേണ്ടി ഇടപെടുവാന്‍ കുടുംബത്തോട് ആവശ്യപ്പെടുകയും ചെയ്യുകയാണ് എങ്കില്‍ അത് മറ്റൊരു വിഷയമാണ്. ചിലപ്പോള്‍ അവള്‍ക്ക് (ഗീബതില്‍ നിന്നും) അത് മൂലം ഒഴിവു ലഭിച്ചേക്കാം". (ശൈഖിന്റെ വാക്കുകള്‍ അവസാനിച്ചു.)(ഓഡിയോ റഫറന്‍സ്.2).
ചുരുക്കത്തില്‍ എല്ലാം പറയാമെന്നോ ഒന്നും പറയരുതെന്നോ അല്ല, പരമാവധി തെറ്റുകള്‍ ഒന്നും പറയരുത് എന്നും എന്നാല്‍ വലിയ വിഷയങ്ങള്‍ ഉണ്ടാകുകയാണ് എങ്കില്‍ അത് ശരിയാക്കുവാന്‍ വേണ്ടി പറയുകയും ചെയ്യാം എന്ന് സാരം.
അല്ലാഹുവിനു വെറുപ്പുള്ള ഒന്നാണ് വിവാഹ മോചനം, അവന്‍ താല്പര്യപ്പെടുന്നത് യോജിപ്പാണ്. അത് ചില ആയത്തുകള്‍ വിശദീകരിച്ചു കൊണ്ട് ഉലമാക്കള്‍ വ്യക്തമാക്കുന്നുണ്ട്. അതിനാല്‍ വിവാഹ മോചനം അടിസ്ഥാന പരമായി വെറുക്കപ്പെട്ടതാണ്, എന്നാല്‍ വ്യക്തമായ കാരണങ്ങള്‍ ഉണ്ടാകുമ്പോള്‍ അത് അനുവദനീയമാകുന്നു. അപ്പോള്‍ പോലും പരമാവധി യോജിപ്പിന്റെ വഴിയാണ് ദീന്‍ പഠിപ്പിക്കുന്നതും.
രക്ഷിതാക്കളും അത് പോലെ ദമ്പതികളുമായി അടുത്തവരും ചെയ്യേണ്ടത് തന്റെ മകന്റെയോ മകളുടെയോ സ്വകാര്യ ജീവിതത്തില്‍ ഇടപെടാതിരിക്കുകയും എന്നാല്‍ അവര്‍ ആവശ്യപ്പെട്ടാല്‍ നല്ല രീതിയില്‍ ഇടപെട്ടു അവര്‍ക്കിടയില്‍ യോജിപ്പ് ഉണ്ടാകുവാന്‍ ആവശ്യമായ കാര്യങ്ങള്‍ രമ്യതയോടെ ചെയ്യുകയാണ് വേണ്ടത്.അല്ലാതെ അവരില്‍ വിവാഹ മോചന ചിന്തകള്‍ ഉണ്ടാക്കുകയല്ല, അതാകട്ടെ നേരെത്തെ കണ്ടത് പോലെ സിഹിറിന്റെ പ്രവര്‍ത്തനത്തില്‍ പെട്ടതാണ്. ഷെയ്ഖ്‌ ഇബ്നു ഉസൈമീന്‍ തന്നെ മറ്റൊരു സ്ഥലത്ത് പറഞ്ഞത് പോലെ കഴിവിന്റെ പരമാവധി ബന്ധം നന്നാക്കല്‍ വാജിബാണ്‌. അത് എല്ലാ അവസ്ഥയിലും നന്മയുമാണ്.
അത് പോലെ ഇണയുടെ കുടുംബവുമായി പ്രശ്നങ്ങള്‍ ഉള്ള ആളുകള്‍ അത് തിരുത്തണം. തന്റെ സ്വന്തം ഉമ്മയായും ഉപ്പയായും അവരെ കാണുമ്പോള്‍ പല സംസാരവും വാക്കുകളും സാരമില്ലെന്നു വെക്കാനും അവരെ കുറിച്ചുള്ള ഗീബതുകള്‍ പറയാതെ അവരെ സ്നേഹിക്കാനും സാധിക്കും. തന്റെ ഇണയോട് നന്മയില്‍ വര്‍ത്തിക്കുന്നതിന്റെ ഭാഗമാണ് ഇണയുടെ കുടുംബത്തോട് നല്ല രീതിയില്‍ പെരുമാറുന്നത് എന്ന് മനസ്സിലാക്കി അവരുമായുള്ള ബന്ധങ്ങള്‍ ദൃഡമാക്കാന്‍ ആവശ്യമായ കാര്യങ്ങള്‍ ചെയ്യണം.
അള്ളാഹു തനിക്ക് നല്‍കിയ, ജീവിതത്തില്‍ താന്‍ ഏറ്റവും അധികം അടുത്ത് നില്‍ക്കേണ്ട, വസ്ത്രം എന്ന് അള്ളാഹു വിശേഷിപ്പിച്ച തന്റെ ഇണയെ ജീവന് തുല്യം സ്നേഹിക്കുക.
ഷെയ്ഖ്‌ റുഹൈലിحفظه الله പറഞ്ഞത് പോലെ തന്നോട് എങ്ങനെയാണോ അത് പോലെ തിരിച്ചും എന്ന നിലയില്‍ പകരത്തിനു പകരമായിട്ടല്ല ഇണയോട് പെരുമാറേണ്ടത്. പകരം ഇത് അള്ളാഹു തന്നോട് കല്‍പ്പിച്ചതാണ്, ദീനിയായ തന്റെ കടമയാണ്, അതില്‍ ഞാന്‍ പൂര്‍ണത കൈവരിച്ചാല്‍ അല്ലാഹുവിന്റെ പ്രതിഫലം തനിക്ക് ലഭിക്കും, അവന്‍റെ ഉന്നതമായ സ്വര്‍ഗ്ഗ ലോകത്ത് പ്രവേശനം എളുപ്പമാകും , ദുന്യാവ്‌ അല്ല പരലോകമാണ്‌ തനിക്ക് വലുത്, എന്ന് മനസ്സിലാക്കി അല്ലാഹുവിനു വേണ്ടി സ്നേഹിക്കുന്ന,അതിലൂടെ അവന്‍റെ പ്രതിഫലം പ്രതീക്ഷിക്കുന്ന ദമ്പതികള്‍ ആയി നാം മാറേണ്ടതുണ്ട്.
പ്രശ്നങ്ങള്‍ ഉണ്ടാകുമ്പോള്‍ പരസ്പരം ഇണങ്ങുന്ന, മറ്റുള്ളവര്‍ ഇണക്കാന്‍ വന്നാല്‍ അതിനു വഴങ്ങുന്ന ആളാണ്‌ സത്യവിശ്വാസി . നബിﷺ പറഞ്ഞു: "സത്യവിശ്വാസി ഇണങ്ങുന്നവനും ഇണക്കപ്പെടുന്നവനും ആണ്. ഇണങ്ങുകയോ ഇണക്കപ്പെടുകയോ ചെയ്യാത്തവനില്‍ നന്മയുമില്ല."
(رواه أحمد والطبراني وصححه الشيخ الالباني)
അതിനാല്‍ ഭര്‍ത്താക്കന്മാരേ,ഭാര്യമാരെ, കുടുംബങ്ങളേ, അല്ലാഹുവിനെ സൂക്ഷിക്കൂ, നിങ്ങളുടെ കാഴ്ചപ്പാടുകളോ അനുഭവങ്ങളോ അല്ല അല്ലാഹുവിന്റെ നിയമമാണ് വലുത് എന്ന് അറിഞ്ഞു കൊണ്ട് അവന്‍റെ പ്രതിഫലം ആഗ്രഹിച്ചു അവന്‍റെ കോപത്തെ ഭയന്ന് കൊണ്ട് അതിനനുസരിച്ച് ജീവിക്കൂ.അതിനു പരസ്പരം സഹായിക്കൂ.
അള്ളാഹു നമ്മെ എല്ലാം അനുഗ്രഹിക്കട്ടെ.
وبالله التوفيق وصلى الله على نبينا محمد وآله وصحبه وسلم.
✍️ഫലാഹുദ്ധീന്‍ ബ്ന്‍ അബ്ദുസ്സലാം.അനുബന്ധം :
1.ഈ ലേഖനത്തില്‍ ഭാര്യ ഭര്‍ത്താക്കന്മാര്‍ പരസ്പരം പാലിക്കേണ്ട കടമകള്‍ വിശദമാക്കിയിട്ടില്ല. ചുരുക്കിയുള്ള ആശയം മാത്രമാണ് ഉള്‍ക്കൊള്ളിച്ചത്. ഷെയ്ഖ്‌ അല്‍ബാനി എഴുതിയ آداب الزفاف എന്ന കൃതിയുടെ മലയാള പരിഭാഷ ദാമ്പത്യ ജീവിതം എന്ന പേരില്‍ ലഭ്യമാണ്. അതിന്‍റെ അവസാന ഭാഗത്ത് ദമ്പതികളോട് അവര്‍ പാലിക്കേണ്ട മര്യാദകള്‍ അടങ്ങിയ ധാരാളം ഹദീസുകള്‍ ഉദ്ധരിച്ചിട്ടുണ്ട്. കഴിയുന്നവര്‍ അത് ഉപയോഗപ്പെടുത്തുക. വിഷയത്തിലെ പൊതുവായ ഏതാനും ഹദീസുകളും ആയത്തുകളും ഈ ലിങ്കില്‍ ലഭ്യമാണ്.
വൈവാഹിക ജീവിതത്തെ കുറിച്ച് ഖുര്‍ആനും സുന്നത്തും നല്‍കിയ 15 പാഠങ്ങളും ആധുനികരായ രണ്ടു മഹാ പണ്ഡിതന്മാര്‍ നല്‍കിയ ഉപദേശവും.
https://majlisulilm.blogspot.com/2017/06/15.html
https://majlisulilm.blogspot.com/2017/06/15.html
കേവലം ഒരു കൌണ്സിലിംഗ് വിഷയം എന്നതിനപ്പുറം നമ്മുടെ പരലോക ജീവിതത്തെ ബാധിക്കുന്ന ദീനിയായ വിഷയമാണ് എന്ന തിരിച്ചറിവിന് അത് സഹായകമാകും.ഇന്ഷാ അല്ലാഹ്.
2. ഓഡിയോ റഫറന്‍സ്.1
https://www.youtube.com/watch?v=_xWzbH4E_h8&t=2372s 39 മിനുട്ട് മുതല്‍.
https://www.youtube.com/watch?v=_xWzbH4E_h8&t=2372s 39 മിനുട്ട് മുതല്‍.
ഓഡിയോ റഫറന്‍സ്.2.
https://www.youtube.com/watch?v=PDZMxQQYHdY
https://www.youtube.com/watch?v=PDZMxQQYHdY
